خطوات عمل مربع المشبك بالكروشيه

مربع المشبك او Celtic knot square شكله معقد لكن في الواقع سهل جداً! العقدة مصنوعه من شكل مربع واحد و اثنين بيضاويين و يتم شبكهن في بعضهن و خياطتهن بالشكل المطلوب. تاكدي انك تمري علي الخطوات كلهن قبل البدء.
إليكم الخطوات :

نبدأ بالمربع:

28 سلسلة و اغلقي الحلقه بغرزة منزلقه و تاكدي ان السلسله غير ملويه.

اشتغلي 3 سلاسل، 1 عمود في السلسه التالية، و اشتغلي زاويه و هي عباره عن 4 عمود في نفس السلسه. 

لتقليل احتمال تكون حفرة في الشغل اشتغلي الزوايا خلال حلقتين السلسه كما في الصوره.

 اشتغلي عمود في كل من الست سلاسل التاليه، اشتغلي زاوية، و كرري الي اخر ضلع اشتغلي عمود في الاربع سلاسل الاخيره و اغلقي بمنزلقة في اعلي سلسله من سلاسل البداية. قصي الخيط.

ابدي في الشكل البيضاوي واصنعي اثنين منه:

اشتغلي 36 سلسلة، و اشتغلي عمود في رابع سلسله من الابره، عمود في السلسه التالية، اشتغلي زاويه ( 4 عمود في نفس السلسة بنفس طريقة المربع)، عمود في ال 16 سلسلة التالية، زاوية، عمود في ال 14 سلسلة التالية، قصي الخيط و خليه طويل حتي تستخدميه في تسكير الشكل بالخياطة.

تأكدي ان الشكلين بنفس الحجم ﻻن أحيانا الخيط يكون مختلف قليلا فيعطي نتيجه مختلفه. في حالة وحده أطول من الاخري قللي عدد الغرز بين الزوايا حتي تتحصلي علي الطول المناسب و السلاسل اللي حتفضل في الاخير حتخيطيهن في النص و مش حيبانن ان شاءالله. 

دخلي الشكل البيضاوي في المربع بهذا الشكل:

و خيطي النهايات بابره عينها كبير و تاكدي ان الخياطه ثابته جيداً،  النتيجة حتكون هك:

دخلي الشكل البيضاوي الثاني بهذا الشكل:

و خيطي النهايات:

ابدي شغل الإطار في اول غرزة عمود من اي زاويه للمربع ( موضح بالصورة)
  حيكون منظر المربع احلي اذا اشتغلتي الدورة الاولي من الإطار في الحلقه الخلفيه فقط من الغرز

الدورة الاولي:
 اشتغلي حشوه في اربع غرز زاوية الشكل المربع، 3 سلاسل، حشوة في غرزتين عمود زاوية الشكل البيضاوي، 3 سلاسل، حشوة في الغرزتين الاخيرات لنفس الزاويه.

بعدها 3 سلاسل، حشوة في ال 4 غرز زاوية المربع، 3 سلاسل، حشوة في غرزتين زاوية الشكل البيضاوي، 3 سلاسل، حشوة في الغرزتين الاخيرات لنفس الزاويه. كرري الي الاخر و اغلقي الدورة بمنزلقة.

الدورة الثانية :
3 سلاسل، عمود في الثلاث غرز التالية، 3 عمود في الفراغ اللي بعده، عمود في الغرزتين التالية، في الزاوية اشتغلي (2 عمود، 2 سلسلة، 2 عمود)، عمود في الغرزتين التالية، 3 عمود في الفراغ، كرري الي الاخر و اغلقي الدورة بمنزلقة. 

الدورة الثالثة ( بلون مختلف) :

أبدي في اي زاويه و اشتغلي (1 حشوة، 3 سلاسل، 1 حشوة)، اشتغلي *2 سلسلة، اتركي غرزة و اشتغلي حشوة في الغرزة الاخري* كرري مابين النجمتين الي ان تصلي الي الزاويه الاخري و اشتغلي (1 حشوة، 3سلاسل، 1 حشوة) كرري الي النهاية و سكري الدورة بغرزة منزلقة في اول غرزة حشوة.

الدورة الرابعة ( باللون الأساسي للإطار) :
كرري الدورة الثالثة.

الدورة الخامسة :
أبدي في اي زاوية و اشتغلي (2 عمود، 2 سلسلة، 2 عمود)، اشتغلي (1 عمود في كل غرزة و 1 عمود في كل فراغ سلسلتين) الي الزاوية و تشتغلي فيها (2 عمود، 2 سلسلة، 2 عمود). كرري الي نهاية الدورة و اتسكري بمنزلقة في اول غرزة. 

في حال المربع كان اصغر حجم من الاخرات كرري اخر دورة الي ان تصلي للمقاس المطلوب.

هك يكون انتهي المربع ان شاءالله الشرح واضح و يكون عجبكم المربع.